Лукашенко Украина низосига аралашди (ми?)
Беларусь Россияга ўз ҳаво ҳудудидан фойдаланишга рухсат берган бўлиши мумкин.
Александр Лукашенко Россияга ҳаво ҳудудидан фойдаланишга рухсат беради, аммо Беларуснинг Украина можаросига аралашуви эҳтимоли кам. Бу ҳақда АҚШда жойлашган Урушларни ўрганиш институти (ISW ) экспертлари маълумот берди.
7 июль куни Украина қуролли кучлари бош штаби бош оператив бошқармаси раҳбари ўринбосари Алексей Громов расмий Минск Россияга Прибитки аэродромидан фойдаланишга рухсат берганини маълум қилганди. 11 июль куни "Белорусский Гаюн" мониторинг гуруҳи Беларусь ҳаво худудига 4 апрелдан буён илк маротаба Москванинг ҳаво чегарасини назорат қилиш ва олдиндан огоҳлантириш самолётлари кириб келганини очиқлаганди.
ISW маълумотларига кўра, Лукашенко шу орқали Владимир Путиннинг Украинадаги ҳаракатларини қўллаб-қувватлаши мумкин. бу унга тўғридан тўғри ҳарбий аралашишнинг олдини олиш имкониятини беради.
Минскнинг низога қўшилиш имконияти кам, сабаби бу ички сиёсий вазиятни кескинлаштириши мумкин.
Аввалроқ Украина армияси катта йўқотишларга учрагани тан олинганди.
