Ҳиндистоннинг Махараштра штатида бир аёл "маньяк” қурбони бўлди. Бу ҳақида "The Times of India" хабар берди. Манбада ёзилишича, “яхши кўрган” йигити билан ижарага олинган дачада аёлнинг яланғоч мурдаси бошсиз ҳолда топилган.
Маълумотларга кўра, қурбон йигити билан сохта исмлар остида турар жой ижарага олган. Эртаси куни бино эгаси уйни тозалаш учун келганида қизнинг қонга ботган жасадини кўрган. Қиз билан бирга бўлган эркак асосий гумонланувчи деб тахмин қилинмоқда. Чунки у ҳам худди жабрланувчининг боши каби изсиз ғойиб бўлган.
Нашрнинг хабар беришича, маҳаллий полиция уйдан 50 метр нарида топилган сумка туфайли марҳуманинг шахсини аниқлашга муваффақ бўлди.
Қурбон тахминан 30 ёшда бўлган.
"Маньяк" жабрланувчининг боши билан бирга унинг барча шахсий нарсаларини олиб кетган. У ҳоттоки коттеж атрофидаги видеокузатув камераларига ҳам тушмаган. Шунинг учун ҳам қотилнинг шахси ҳақидаги маълумотлар номаълумлигича қолмоқда.
Бундан олдин очилмаган жиноятларни ўрганаётган америкалик The Case Breakers гуруҳи аъзолари ўтган асрнинг 60-йилларида Калифорнияда фаолият юритган “Зодиак” лақабли серияли "маньяк"ни фош қилган эди. Гуруҳ терговчиларининг таъкидлашича, баъзи ашёвий далиллар ва тирик қолган гувоҳларнинг кўрсатмалари сериали қотилнинг шахсини аниқлашга ёрдам берган.
Аввалроқ АҚШда 5 нафар журналист қотилига 345 йил қамоқ жазоси тайинлангани ҳамда Санкт-Петербургда одамхўр қўлга олингани ҳақида хабар берилганди.
Оламгир Абдиев