Месси ва Франция Президенти Мбаппени Парижда қолишини истаяпти
«PSJ» Килиан Мбаппени яна бир неча йил жамоада олиб қолиши мумкин. Шу ёзда клуб таркибига келиб қўшилган Лионел Месси француз футболчисининг Парижда қолишини хоҳламоқда.
У Килиан билан бу масалада гаплашиб кўрган. Шунингдек, Франция Президенти Эммануэль Макрон ҳам Мбаппени клубда олиб қолишга кўндириши мумкин. Парижликлар ҳужумчи билан яна бир бор янги шартнома имзолашга ҳаракат қилади.
Хабарларга кўра, футболчига олдингига қараганда юқори маош ва икки йиллик шартнома таклиф қилинади.
Эслатиб ўтамиз, Килиан Мбаппе шу ёзда «Real Madrid» клубига ўтмоқчи эди, бироқ француз клуби таклифига «Real» раҳбарияти розилик бермади. Шу сабабли Мбаппе трансфери кейинги ёзга қолдирилганди.
Aввалроқ “Barselona” ҳимоячиси Жерар Пике фаолиятини қаерда якунлаши ҳақида хабар берган эдик.
Жамшидбек Амиров
