Мьянмада (Бирма) заргарлик дўконида ноодатий ўғирлик ҳолати фош этилди. Аниқланишича, номаълум эркак тўққиз кун давомида ер остида туннел қазиб, дўкон ичига кирган ва катта миқдордаги олтин тақинчоқларни ўғирлаб чиққан. Бу ҳақда Shin Chew Daily нашрига таяниб Focus.ua хабар берди.
Ҳуқуқни муҳофаза қилувчи органлар маълумотига кўра, жиноятчи кундузлари автоювиш шохобчасида ишлаган, кечалари эса об-ҳаво қулай бўлган пайтларда туннел қазиш билан шуғулланган.
Ушбу йўл билан у қарийб тўрт килограмм тилла буюмларни қўлга киритган. Уларнинг умумий қиймати юзлаб миллион гривна деб баҳоланмоқда.
Полиция терговига кўра, эркак бу режа ғоясини дўкон яқинидаги ерости коммуникацияларини ўрганиб топган. У тоннел қазиш “аниқ ва хавфсизроқ усул” бўлганини тан олган.
Ўғирланган олтиннинг бир қисми — тахминан 551 грамм — сотилган. Жиноятчи битимдан уч кун ўтиб қўлга олинган.