Myanmada (Birma) zargarlik do‘konida noodatiy o‘g‘irlik holati fosh etildi. Aniqlanishicha, noma’lum erkak to‘qqiz kun davomida yer ostidan tunnel qazib, do‘kon ichkarisiga kirgan va katta miqdordagi oltin taqinchoqlarni o‘g‘irlab chiqqan. Bu haqda Shin Chew Daily nashriga tayanib Focus.ua xabar berdi.
Huquqni muhofaza qiluvchi organlar ma’lumotiga ko‘ra, jinoyatchi kunduzlari avtoyuvish shoxobchasida ishlagan, kechalari esa ob-havo qulay bo‘lgan paytlarda tunnel qazish bilan shug‘ullangan.
Ushbu yo‘l bilan u qariyb to‘rt kilogramm tilla buyumlarni qo‘lga kiritgan. Ularning umumiy qiymati yuzlab million grivna deb baholanmoqda.
Politsiya tergoviga ko‘ra, erkak bu reja g‘oyasini do‘kon yaqinidagi yerosti kommunikatsiyalarini o‘rganib topgan. U tunnel qazish “aniq va xavfsizroq usul” bo‘lganini tan olgan.
O‘g‘irlangan oltinning bir qismi — taxminan 551 gramm — sotilgan. Jinoyatchi bitimdan uch kun o‘tib qo‘lga olingan.