2025 йил 26 сентябрда фуқаро “Centrum-Air” сайтида Истанбул–Наманган йўналиши учун 2 та чипта харид қилган. Бироқ, авиакомпания томонидан ортиқча чипталар сотилгани сабабли у ва турмуш ўртоғи самолётга сиғмай, Истанбул аэропортида қолиб кетган. Кейинчалик уларга Истанбул–Тошкент рейсида жой ажратилиб, қайтишлари таъминланган.
Рақобат қўмитаси ўтказган текширувдан сўнг “Centrum-Air” авиакомпанияси фуқаро билан келишувга эришди. Компенсация қуйидагиларни ўз ичига олади: 500 евро пул тўлови, қўшимча 865 200 сўм товон, авиакомпаниянинг исталган йўналишларига кейинги сафар учун 20% чегирма берувчи промокод, 23 кг қўшимча бепул багаж ва самолётнинг биринчи қаторидаги жойлардан бепул фойдаланиш имконияти.