Фуқаролик ишлари бўйича Нукус туманлараро суднининг қарорларига асосан, қарздор МЧЖдан уч нафар бино қурилишида иштирок этган хизматчилар фойдасига жами 38 325 000 сўм ундириш белгиланган.
Шунга қарамасдан, жавобгар томонидан ушбу суд қарори ижроси таъминланмаган ва ишчиларнинг иш ҳақлари тўлаб берилмаган.
Шунда, ишчилар суд қарорига асосан чиқарилган ижро варақаларнинг ижросини таъминлаб беришни сўраб, Мажбурий ижро бюроси Нукус шаҳар бўлимига топширишган ва бўлим томонидан ижро ҳаракатларига киришилган.
Хусусан, бўлим ходимлари томонидан жавобгар ташкилот раҳбарига суд қарорлари ижросини таъминламаслик қўшимча ижро йиғими ва маъмурий жарима қўллашга асос бўлиши тушунтирилган.
Шунингдек, бўлим давлат ижрочиси томонидан қарздорнинг асосий банк ҳисоб рақами хатловга олинган.
Натижада ундирилиши лозим бўлган жами 38 млн сўмдан ортиқ иш ҳақлари 3 нафар ишчиларга жорий йилнинг 16 октябрь куни ундириб берилган.