Озарбайжон Қорабоғда мустаҳкамланмоқда: халқаро аэропорт очилди
Эрдўған Илҳом Алиев билан бирга очилиш маросимида иштирок этган.
Ражаб Тоййиб Эрдўған Озарбайжонга ташриф буюрди ва Қорабоғда халқаро аэропорт очилишида иштирок этди. "Фузулий" аэропорти Қорабоғдаги биринчи халқаро транспорт йўлаги ҳисобланади.
Эрдўған Илҳом Алиев билан бирга очилиш маросимида иштирок этган.
Қурилишга 8 ой сарфланган. Унга Озарбайжон ҳукумати қарори билан халқаро аэропорт мақоми берилди. Эндиликда унда халқаро рейсларни қабул қилиш мумкин.
“Фузулий”да дастлабки синов парвози 5 сентябрда ўтказилганди. Ўшанда бу ерга энг катта йўловчи самолёти Airbus A340-500 қўндирилганди. Унинг учиш-қўниш йўлаги узунлиги 3 минг метр ва кенглиги 60 метрни ташкил этади. Умумий майдони 60 минг квадрат метр бўлиб, бир вақтнинг ўзида 8 та самолёт туриши мумкин.
Аввалроқ Қорабоғдаги Шуша шаҳри урушдан сўнг қай даражада ўзгаргани ҳақида хабар берилганди.
Жаҳонгир Қўзиев
