Ўзбекистон бозорларидаги нарх-наво маълум қилинди
Давлат статистика қўмитаси 2021 йил 13 октябрь кунги ҳудудий марказий деҳқон бозорларида ўтказилган кузатув натижалари бўйича алоҳида турдаги озиқ-овқат маҳсулотларининг минимал-максимал нархларини эълон қилди.
Унга кўра, ўрганилган вақт давомида асосий озиқ-овқат маҳсулотлари нархи қуйидагича:
- суякли мол гўшти (1 килограмм) — 45 000–68 000 сўм
- қўй гўшти (1 килограмм) — 52 000–80 000 сўм
- картошка (1 килограмм) — 2500–6500 сўм
- пиёз (1 килограмм) — 1200–3500 сўм
- сабзи (1 килограмм) — 2000–9000 сўм
- тухум (10 дона) — 6000–14 000 сўм
- гуруч (1 килограмм) — 5000–17 500 сўм
- ўсимлик ёғи (1 литр) — 14 000–24 000 сўм
- шакар (1 килограмм) — 7500–9000 сўм
Маълумот учун, фақатгина деҳқон бозорлари ҳудудидаги озиқ-овқат маҳсулотлари нархлари ҳисобга олинган. Супермаркет, минимаркет, дўконлардаги нархлар инобатга олинмаган.
Бундан аввал алоҳида турдаги озиқ-овқат маҳсулотлари минимал-максимал нархи эълон қилингани, истеъмол бозоридаги товарлар ва хизматлар ўртача 0,2 % га арзонлашгани ҳамда дунёда йил бошидан буён илк бор озиқ-овқат нархлари пасайгани ҳақида маълумотлар тақдим қилинганди.
