Панамада тунги базмга "Кальмар ўйини" қаҳрамонлари кийимида келганлар иштирокида отишма бўлди
Унда 8 та одам қурбон бўлди ва бир неча киши яраланди.
"La Razon" нашри хабарига кўра, "Санта Ана" клуби тунда тематик тадбир ўтказган. Унда аввалдан ўзаро бир-бирига рақиб бўлган гуруҳ аъзолари ҳам иштирок этган. Тадбир қизиган палла кутилмаганда улар бир-бирларига қарата ўқ уза бошлаган.
Отишмада биринчи ўқ узган одам ва яна тўрт нафар гуруҳ иштирокчилари воқеа жойида ҳалок бўлган. Қолган ярадорлар касалхонада вафот этган. Полиция яна икки гуруҳ иштирокчиларини қўлга олган. Ҳозирда суриштирув ҳаракатлари давом этмоқда.
Аввалроқ Кобул халқаро аэропортида отишма юз бергани ҳамда Россияда ўзбекистонлик эркак ҳамюртини отиб қўйгани ҳақида хабар берилганди.
Муножат Валиева
