Бош вазир Матеуш Моравецкийнинг сўзларига кўра, чегарада девор қуриш – Польшани Путин ва Лукашенкодан асрайди. “Бу Польшани узоқ истиқболда Путин ва Лукашенко томонидан амалга ошириладиган миграцион шантаждан ҳимоя қилишда муҳим”, – деган Моравецкий.
Бундан аввал Польша парламенти Беларусь билан чегарада девор қурилиши тўғрисида қонун қабул қилган. Варшава буни миграцион инқироз билан боғлаган. Ўз навбатида Беларуcь президенти Александр Лукашенко Ғарб санкциялари туфайли Минск одамлар оқимини тўхтата олмаслигини маълум қилган.
2021 йил май ойида Лукашенкога қарши санкциялар кучайтирилгандан сўнг Беларусь раҳбари мигрантларнинг ЕИга ўтиб кетишига тўсқинлик қилмаслигини маълум қилган эди.
Аввалроқ Польша миграцион инқирозда Беларусни айблагани ҳамда Латвия чегарада тиканли сим ўрнатиши хабар қилинганди.
Жаҳонгир Қўзиев