ЕИнинг Россия нефти нархига қўйган чегараси ва санкциялар оқибатида Москва кунига 160 миллион евро йўқотмоқда. Бу ҳақда энергетика ва тоза ҳаво тадқиқотлари маркази (CREA) хабар берди.
Ғарб чекловлари оқибатида РФ нефть хомашёсини қазиб олишни 32 фоизга қисқартирган. 5 февралда кучга кирадиган қўшимча жазо чоралари ортидан кунлик зарар 280 миллион еврогача ошади.
Шу билан бирга, даромадлар қисқарганига қарамай, ҳар куни Москва қазиб олинадиган ёнилғи ҳисобига 640 миллион ишлаб олмоқда.
CREA маълумотларига кўра, Россия нефть хомашёсига қўйилган чегара нархлар доирасида 3.1 миллиард евро даромад олди. Унинг 2 миллиарди солиқ сифатида белгиланиб, бюджетга йўналтирилган.
