Россиядаги мигрантлар энди “Золотая Корона” орқали 15 минг рублгача қарз олиб, ватанига жўнатиши мумкин
Россияда ишлайдиган мигрантлар эндиликда “Золотая Корона” тўлов тизими орқали қарзга пул жўнатиши мумкин. Бу ҳақда “Ведомости” хабар берди.
“Золотая Корона” директорлар кенгаши раиси Николай Смирновнинг “Ведомости”га маълум қилишича, шу йилнинг 11 октябридан бошлаб айрим мобил алоқа салонларида шундай имкониятдан фойдаланиш мумкин. Мигрантлар 5 мингдан 15 минг рубл (735 мингдан 2 миллион 200 минг сўм) гача бўлган миқдорда қарз олиб, уни ватанига жўнатиш имконига эга. Уларга 21 кун давомида ҳеч қандай фоиз ставкаси қўйилмайди. Аммо шундан кейин ҳар куни бир фоиздан қўшиб борилади.
Бундан аввал Россияда мигрантларга махсус чипли пластик карталар тарқатилиши ҳамда Москвада ўзбекистонлик мигрантнинг жасади топилгани хабар қилинганди.
