Москвада ўзбекистонлик мигрантнинг жасади топилди
Қўшимча қилинишича, вафот этган фуқаронинг шахсига аниқлик киритилган.
Ижтимоий тармоқларда Москва шаҳрида 1990 йилда туғилган ўзбекистонлик меҳнат мигранти ўлик ҳолда топилгани ҳақида хабарлар тарқалди.
Ушбу ҳолат юзасидан Ташқи меҳнат миграцияси агентлиги берган маълумотга кўра, бу ҳодиса агентликнинг Москвадаги ваколатхонаси томонидан ўрганилмоқда.
Қўшимча қилинишича, вафот этган фуқаронинг шахсига аниқлик киритилган. Ҳозирда марҳумнинг яқин қариндошлари билан алоқа ўрнатилиб, жасадни Ўзбекистонга қайтариш бўйича тегишли ҳужжатлар расмийлаштирилмоқда. Шунингдек, Россиянинг ҳуқуқ-тартибот идоралари ходимлари билан алоқалар ўрнатилиб, мазкур ҳодиса назоратга олинган.
Эслатиб ўтамиз, аввалроқ Россиядаги дарёда ўзбекистонлик йигитнинг жасади топилгани ҳамда Швейцарияда вафот этган марҳумнинг жасади Ўзбекистонга олиб келингани ҳақида хабар берилганди.
Баҳринисо Мадумарова
