Сербия НАТО аъзоси бўладими?
Мамлакат президенти бу бўйича режаларини очиқлади.
Сербия НАТОга аъзо бўлмайди. Бу ҳақда мамлакат президенти Александр Вучич маълум қилди.
"Мен сизларга айтаман: биз НАТОга кирмаймиз. Чунки уларнинг мамлакатимизда нима қилганини эсдан чиқара олмаймиз. Биз ўз эркимиз, осмонимиз ва еримизни ўзимиз ҳимоя қилишни истаймиз", — деган у Бор шаҳридаги сайловолди чиқишида.
Маълумот ўрнида: 1999 йил 24 март куни НАТО собиқ Югославияга қарши ҳарбий операция бошлаган эди. Альянс маълумотларига кўра, операция давомида авиация 10 минг марта бомбардимон парвозларини амалга оширган. Оқибатда 3.5 — 4 минг атрофида серблар ҳалок бўлган. Сербияга жами 100 миллиард долларлик моддий зарар етказилган.
Аввалроқ НАТО ҳарбий тайёргарликни кучайтириши тўғрисида хабар берилганди.
