Бу ҳақда Фавқулодда вазиятлар вазирлиги матбуот хизмати хабар берди.
Маълум бўлишича, Сергели туманида ишчилар учун жойлашган ётоқхонада ҳаво-газ аралашмасининг чақнаши ва бунинг оқибатида ёнғин содир бўлган.
Ёнғин оқибатида улардан 18 нафари ҳар хил турдаги куйиш тан жароҳати билан Республика шошилинч тиббий ёрдам илмий марказига юборилган. Аниқланишича, 05:43 да ёнғин ўчирилган. Шунингдек, ҳодиса оқибатида ҳалок бўлганлар мавжуд эмас.
Бирламчи маълумотга кўра, ҳаво-газ аралашмасининг чақнашига газ қувурларининг носозлиги оқибатида хонага газ тўпланиши сабаб бўлганлиги очиқланган.
Ҳозирда Тошкент шаҳар прокурорининг биринчи ўринбосари раҳбарлигида Тошкент шаҳар ФВБ, ИИБ, ССБ, Ҳудудгаз таъминоти раҳбарларидан иборат тезкор тергов гуруҳи ташкил қилиниб, терговга қадар суриштирув ишлари олиб борилмоқда.
Эслатиб ўтамиз, аввалроқ Навоийда газ қуйиш шохобчаси портлагани ҳамда Тошкент давлат техника университети ошхонаси ёниб кетгани ҳақида хабар берилганди.
Чўлпоной Аҳмедова