Ўзбекистон Республикаси Президенти Шавкат Мирзиёев 22 август куни Туркманистонга амалга оширадиган амалий ташриф доирасида “Озарбайжон – Туркманистон – Ўзбекистон” уч томонлама саммитида иштирок этади. Ташриф Туркман халқининг миллий етакчиси, Туркманистон Халқ Маслахати Раиси Гурбангули Бердимуҳаммедовнинг таклифига биноан амалга оширилмоқда.
Саммит “Аваза” миллий сайёҳлик зонасида бўлиб ўтади. Унда кўп томонлама ҳамкорликнинг долзарб масалалари, жумладан, савдо-иқтисодий, транспорт-коммуникация, энергетика ва гуманитар соҳаларда шерикликни кенгайтириш истиқболлари муҳокама қилинади. Шунингдек, қатор қўшма ҳужжатлар имзоланиши режалаштирилган.
Давлатимиз раҳбари ташриф доирасида икки томонлама учрашувлар ҳам ўтказади.