5937 нафар россиялик Украинада ҳалок бўлди. Бу ҳақда Россия мудофаа вазири Сергей Шойгу маълум қилди.
Шу билан бирга вазир Украина йўқотишларини ҳам очиқлаган. Унинг сўзларига кўра, 61 мингдан ортиқ украин аскарлари ҳалок бўлган. шунингдек, 2 мингдан ортиқ хорижлик ёлланма жангчилар йўқ қилинган.
Шойгу бугун эълон қилинган қисман сафарбарлик натижасида 300 минг киши армия сафларига жалб қилинишини, бу жараён босқичма-босқич амалга оширилишини айтган.
Эслатиб ўтамиз, бугун Россияда қисман ҳарбий сафарбарлик эълон қилинди. Бу ҳақда Владимир Путин тегишли қарор имзолаган.