Шри-Ланкада дефолт ҳолати эълон қилинди
Мамлакатда озиқ-овқат ва ёқилғи тақчиллигининг вужудга келган
Шри-Ланка Молия вазирлиги мамлакатнинг барча ташқи қарзлари бўйича тўловлар тўхтатилганини маълум қилди. Бу ҳақда “ТАСС” хабар берди.
Ҳукумат мамлакат молиявий аҳволининг янада ёмонлашувига йўл қўймаслик учун буни сўнги чора сифатида кўрмоқда, - дейилади ҳукумат баёнотида.
Мамлакат мустақилликка эришгандан бери энг оғир иқтисодий инқирозни бошидан кечирмоқда, электр энергияси мунтазам узилишлар, озиқ-овқат ва ёқилғи тақчиллигининг вужудга келган. Бу пандемия туфайли хорижий туризмнинг қисқариши натижасида юзага келди. Бундай шароитда ҳукумат импортни қисқартириш ва ресурсларни тежашга мажбур бўлмоқда.
Шунингде инфляция кўрсаткичи март ойида 17 фоиздан ошган. Мамлакатнинг жами 35 миллиард долларлик ташқи қарзи иқтисодий инқирозга қарши курашишга тўсқинлик қилмоқда.
Эслатиб ўтамиз, аввалроқ Шри-Ланка сайёҳлар учун ПЗР-тестларини бекор қилганди.
