НАТО кемалари ҳарбий машғулот ўтказиш учун Болтиқ денгизига кирди. Бу ҳақда «Коммерсантъ» хабар берди.
НАТОнинг SNMG1 тезкор жавоб гуруҳи кемалари Болтиқ денгизига кирди. Уларнинг асосий вазифаси Болтиқбўйида иттифоқчиларнинг борлигини намойиш этишдир. Ҳарбий кемалар Эстония ҳарбий-денгиз кучлари билан қўшма машғулотлар ўтказади, - дейилади хабарда.
Эстония денгиз кучлари қўмондони Юри Саск келаси ҳафтада Эстония денгиз пиёдалари билан биргаликда машғулотлар бошланиши режалаштирилганини таъкидлаган.
Эслатиб ўтамиз, аввалроқ АҚШ атом сувости кемаси Россия территориал сувларига кириб келгани маълум қилинганди.
