Қайд этилишича, тиббиёт ходимларининг касбий малакасини ривожлантириш марказининг кўп тармоқли клиникасида бюджет маблағларининг тўғри йўналтирилиши бўйича текширув ўтказилди.
Текширувда клиника мансабдор шахслари ва ходимлари томонидан бюджет маблағларининг мақсадсиз сарф қилиниши, ўзлаштиришидаги ноқонуний фаолияти текширилди. Шунингдек, талон-тарож қилиш ҳолатлари, аслида ишламаган ходимлар учун ойлик иш ҳақлари тўлаб келиниши, тиббиёт техникаларидан фойдаланиш, пуллик тиббий хизмат кўрсатишдан тушган маблағларнинг мақсадсиз сарфланиши, давлат харидларини амалга оширишда бир қатор қонунбузилиши ҳолатлари аниқланган.
Маълум бўлишича, клиника фаолиятида жами 9 млрд. 747 млн. 598 минг сўмлик молиявий хато ва камчиликлар аниқланган бўлиб, шундан 586.798.200 минг сўмлик бюджет маблағлари растрата қилиш йўли билан талон-тарож қилинганлиги фош этилди.
Бош прокуратура Агентлик томонидан тақдим этилган ҳужжатлар асосида прокуратураси ҳузуридаги Иқтисодий жиноятларга қарши курашиш департаменти томонидан Тиббиёт ходимларининг касбий малакасини ривожлантириш марказининг кўп тармоқли клиникаси мансабдор шахсларига нисбатан жиноят иши очилди.
Ҳозирда тергов ҳаракатлари олиб борилмоқда.
Эслатиб ўтамиз, аввалроқ 447 та ширкатда 163 та 12,9 миллиард сўм миқдоридаги қонунбузарлик ҳолати аниқлангани ҳамда Сергелида 325 минг долларни ўзлаштириб юборган банк кассири ва бош мутахассисга нисбатан жиноят иши қўзғатилгани ҳақида хабар берилганди.
Чўлпоной Аҳмедова