Шу билан бирга тана аъзоларини кесиб ташлаш ҳам жорий этилади. Мулла Туробийнинг фикрича, бу жиноятчиларни “тийиб туриш” га ёрдам беради. “Қўлларни кесиш хавфсизлик нуқтайи назаридан муҳим”, — деган у. Шунингдек, ҳозирча ҳукумат ўлим жазосини якка тартибда ёки омма қаршисида амалга оширишни ҳал қила олмаган. Мулла Туробий толиблар Ислом бўйича иш кўришини таъкидлаган.
“Толибон” 90 йилларда тана аъзоларини кесиб ташлашни кенг қўллаган. Бу катта танқидларга сабаб ўлган. Мулла Туробий “Ҳамма бизни стадионларда қатл қилишимизни танқид қилган. Лекин толиблар бошқаларнинг қонунлари ва жазо турларини муҳокама қилмаган”, — деб қайд этди.
Маълумот ўрнида: 15 август куни “Толибон” ҳаракати Кобулни эгаллаган. 31 августда АҚШ Афғонистонни тўлиқ тарк этди. Ҳаракат томонидан эгалланмаган ягона вилоят Панжшер вилояти эди. Аммо 6 сентябрьда ушбу ҳудуд ҳам “Толибон” назоратига ўтди. Шундан кейин 7 сентябрь куни мамлакатнинг янги ҳукумати тузилгани эълон қилинди.
Аввалроқ “Толибон” элчилар тайинлаш масаласига тўхталиб ўтганди.
Жаҳонгир Қўзиев