Қурилиш ва уй-жой коммунал хўжалиги вазирлиги Тошкент шаҳрида иситиш тизимини ишга тушириш санаси бўйича расмий баёнот берди. Қайд этилишича, амалдаги санитария-гигиена меъёрларига мувофиқ, иситиш мавсуми ташқи ҳаво ҳарорати кетма-кет беш кун давомида ўртача +8 даражадан паст бўлгач, навбатдаги кундан бошлаб бошланади.
Шунга кўра, об-ҳаво совуқ бўлиши бир неча кун давом этса, пойтахтдаги кўп қаватли уйлар, мактаблар, касалхоналар ва болалар боғчаларида иссиқлик таъминоти босқичма-босқич ёқилади.
Мутасадди идоралар аҳолига иситиш тизимларини олдиндан текшириб, техник жиҳатдан тайёр ҳолатга келтиришни тавсия этмоқда.