Украина мудофаа вазири Алексей Резников қанча аҳоли мамлакатни ҳимоя қилаётганини очиқлади.
Вазир бу ҳақда Forbes’нинг “Биргаликда қурамиз” онлайн конференциясида маълум қилган. Бу халқаро йиғилиш Украинада бизнесни тиклаш имкониятларига бағишланган.
Унинг сўзларига кўра, жами 1 миллион украиналик сафарбарликка чақирилган. Хусусан, қуролли кучларга 700 минг, чегара қўшинларига 60 минг, миллий гвардияга 90 минг, миллий полицияга 100 минг киши жалб этилган.
Аввалроқ Владимир Зеленский Украина ҳудудининг бир қисмидан воз кечмаслигини маълум қилганди.