Украина ғалласининг Руминия орқали олиб чиқиб кетиш йўналиши ишлаб чиқилмоқда. Бу ҳақда Франция президенти Эммануэль Макрон маълум қилди.
Унинг сўзларига кўра, Руминияга ғалла Одесса порти орқали етказиб берилади. Макрон ва БМТ Бош котиби Антониу Гутерриш Россия иштирокида дипломатик ечим топишга ҳаракат қилмоқда.
Франция президенти Одесса портининг Руминия-Украина чегарасига яқин жойлашганини қайд этган. Дон бу ерга олиб келингач, темирйўл ва Дунай дарёси орқали бутун дунёга етказиб берилади.
Макроннинг қўшимча қилишича, Франция ушбу жараёнга ёрдам бериш мақсадида ўз экспертлари, ҳарбийлари ва ташкилотларини жалб қилишга тайёр.
Аввалроқ Макрон Украинага оғир қуроллар етказиб беришга ваъда берганди.