Украина дрони Севастополдаги Россия Қора денгиз флоти штабига ҳужум уюштирди. Бу ҳақда Севастополь раҳбари Михаил Развозжаев маълумот берди.
Бугун шаҳарда РФ ҳарбий-денгиз кучлари куни муносабати билан байрам тантаналари ўтказилиши керак эди. Аммо ҳодиса оқибатида барча тадбирлар бекор қилинган.
“Штаб ҳовлисига номаълум объект учиб келди, дастлабки маълумотларга кўра бу учувчисиз қурилма бўлган. 5 нафар флот штаби ходимлари яраланган, ҳалок бўлганлар йўқ. Барчага ёрдам кўрсатилда. Федерал хавфсизлик хизмати ишламоқда, вазиятга ойдинлик киритиляпти”, – деган Развозжаев.
Аввалроқ Россиянинг Украинадаги йўқотишлари тўғрисида маълумот берилганди.