Венгрия Россия гази нархига чегара қўйилишига қарши чиқди
Мамлакат ТИВ бу ҳолатда Европа газсиз қолишидан огоҳлантирди.
Россия гази нархига чегара қўйилиши Европа манфаатларига зид келади. Бу ҳақда Венгрия ташқи ишлар вазири Петер Сиярто маълум қилди.
Унинг сўзларига кўра, бу тартиб жорий этилган тақдирда Москва ЕИга газ етказиб беришни бутунлай тўхтатади.
“Буни тан олиш учун Нобель мукофоти керак эмас”, – деган дипломат.
Жума куни Евроиттифоқ энергетика вазирлари учрашуви бўлиб ўтади. Венгриядан ташқари, Ҳозирга қадар Чехия ва Бельгия ҳам газ нархига чегара қўйилишига қарши чиққан. Бу ҳақда чоршанба куни Чехия саноат вазири Юзеф Сикела маълум қилган. У нархга чегара қўйилиши фақатгина сиёсий инструмент эканини, аммо муаммони ҳал қилмаслигини айтган.
Аввалроқ Венгрия Россиядан газ сотиб олишни кўпайтиргани ҳақида хабар берилганди.
