“Янги Ўзбекистон боғи”га автобус қатнови йўлга қўйилади
Тошкент шаҳар транспорт бошқармасининг расмий хабарига кўра, “Машинасозлар метроси — Янги Ўзбекистон боғи” йўналиши бўйлаб янги автобус қатнови ташкил этилмоқда.
Бошқарма хабарига кўра, ушбу йўналишда фаолият кўрсатиш истагида бўлган ташувчиларнинг аризалари 2021 йил 10 октябрь кунига қадар қабул қилинади.
Йўналишнинг умумий узунлиги 13 км, йўлга кетадиган вақт – тахминан 36 дақиқа. Бу йўналишда 6 та автобус ишлайди. Улар орасидаги интервал 12 дақиқани ташкил қилади.
Эслатиб ўтамиз, аввалроқ Тошкентдаги халқаро конференция туфайли айрим автобуслар йўналиши ўзгаргани, Тошкентда 1 августдан 9 та автобус йўналишига ўзгартириш киритилгани ҳамда йўловчига қўпол муносабатда бўлган автобус ҳайдовчисига чора кўрилгани ҳақида хабар берилганди.
Чўлпоной Аҳмедова
