ЕИнинг уч давлати Украинага самолёт беради
Улар Польша аэродромларида жойлаштирилади.
Болгария, Польша ва Словакия Украинага 70 та ҳарбий самолёт етказиб беради. Бу ҳақда Украина ҳарбий-денгиз кучлари матбуот хизмати хабар берди.
"Украина армияси учун 70 самолёт! Бизнинг ҳамкорларимиз МиГ-29 ва Су-25 етказиб беради. Зарурат туғилган тақдирда улар Польша аэродромларида жойлаштирилиши мумкин", — дейилади хабарда.
Қўшимча қилинишича, Болгария 16 та МиГ-29 ва 14 та Су-25, Польша 28 та МиГ-29 ҳамда Словакия 12 дона МиГ-29 беради.
Маълумот ўрнида: 24 февраль куни Россия Украина шарқида махсус операция бошлашини эълон қилди. Ҳозирда мамлакатнинг турли нуқталарида жанглар кетмоқда.
Ғарб бунга жавобан Москвага санкциялар жорий этди. Қора рўйхатда Путин, РФ ташқи ишлар вазири Сергей Лавров ва бошқа кўплаб олий мартабали амалдорлар ҳам бор.
Эслатиб ўтамиз, аввалроқ 28 февраль куни Москва ва киев ўртасида Беларусда музокаралар бўлиб ўтгани тўғрисида хабар қилинганди.
