Samarqanddagi O‘zbekiston madaniyati tarixi davlat muzeyiga Rossiyalik harbiy asos solgan (foto)
Turkistonda hayot qanday bo‘lgan? Leon Barshevskiy fotosuratlari sizni o‘sha davr bilan bog‘laydi.
Maʼlumot o‘rnida, Leon Barshevskiy harbiy bo‘lgan. 1876-1897 yillarda Samarqandda yashagan. Xitoy va Afg‘onistonga olib boruvchi strategik ahamiyatga ega yo‘l qurilishida ishtirok etgan. Aynan u Afrosiyobdagi arxeologik ishlarni boshlagan.
Kattagina tarixiy kolleksiyani qo‘lga kiritgach, Samarqanddagi O‘zbekiston madaniyati tarixi davlat muzeyiga asos soladi. O‘sha vaqtda eksponatlarning bir qismi fransuzlarga sotiladi. Tushgan pullar esa Samarqand yaqinida ko‘mir shaxtasini qurishga sarflanadi. Leon Barshevskiy tomonidan olingan fotolar o‘sha davrdagi insonlarning kundalik turmush tarzi haqida so‘zlaydi.
Joriy yilning 13-sentabr kuni poytaxtimizda O‘zbekiston madaniy merosini o‘rganish, saqlash va ommalashtirish bo‘yicha Butunjahon jamiyatining V yubiley Kongressi ish boshlaydi. Madaniy meros haftaligi doirasida Polsha muzeylarida saqlanayotgan O‘zbekiston madaniy merosiga bag‘ishlangan kitob-albomi taqdimoti o‘tkaziladi. Unda Leon Barshevskiyning O‘zbekistonda olgan fotosuratlari namoyish etiladi.
Bundan avvalroq 14-15 sentyabr kunlari Xivada “Markaziy Osiyo dunyo sivilizatsiyalari chorrahasida” Xalqaro madaniyat forumi o‘tkazilishi hamda 13–21 sentyabr kunlari Toshkent, Xiva va Nukus shaharlarida «O‘zbekiston madaniy merosini o‘rganish, saqlash va ommalashtirish – zamonaviy bosqichda” mavzusida V Xalqaro kongressi doirasida kitob-albomlarning yangi jildlari taqdim etilishi haqida xabar berilgandi.
