Mitxun Chakraborti: “Yoshligimda futbolchi bo‘lishni orzu qilganman”
Xabaringiz bor, yurtimizda “Ipak yo‘li durdonasi” XIII Xalqaro Toshkent kinofestivali bo‘lib o‘tmoqda. Ushbu kinofestivalda bir guruh kinoijodkorlar ishtirok etyapti. Zamon.uz muxbiri Bollivud yulduzi Mitxun Chakraborti bilan suhbatlashdi.
O‘zbekistonga to‘rtinchi bor kelishim. O‘zbek filmlari haqida ko‘p eshitganman. Ayrim o‘zbek aktyorlari bilan tanishman. Bugungi xalqaro festivalga taklif qilishganidan boshim ko‘kka yetdi.
— O‘zbek filmlari bilan oldindan tanishmisiz? Ularning sizga qaysi jihatlari yoqadi?
— Yo‘q, o‘zbek filmlarini ko‘rmaganman, ammo eshitganman. Lekin so‘z beraman, albatta, ko‘rib o‘z fikrimni ijtimoiy tarmoqlar orqali yetkazaman.
— Sizni eng sermahsul aktyor sifatida bilamiz. Shu kungacha qancha rol ijro etgansiz?
— Hammasi bo‘lib 370 ta rol ijro etganman. Eʼtiborlisi, barcha filmlar ko‘ngildagidek chiqqan.
— Agar aktyor bo‘lmaganingizda qaysi kasbning boshini tutgan bo‘lardingiz?
—Yoshligimda futbolga qiziqqanman. Bolaligim asosan koptok tepish bilan o‘tgan. Ammo taqdir taqozosi bilan Mumbayga kelib qolganman. Ishoning, aktyorlik yo‘lini tasodifan tanlaganman.
—Oilangizdan sanʼatkorlar chiqqanmi?
— 4 nafar farzandim bor. Bir o‘g‘lim mening yo‘limni tanladi. Hozir aktyor sifatida bir qancha filmlarda rol ijro etmoqda. Raqsga mendan ham yaxshi tushadi.
— O‘zbek filmlarida rol ijro etish istagingiz bormi?
— Albatta bor. Agar taklif qilishsa, rad etmayman. Chunki o‘zbek xaqi men uchun nihoyatda qadrli..
Eslatib o‘tamiz, kinofestival bosh homiysi: AGMK, NGMK va “O‘zbekneftgaz”. Hamkor homiylar: “O‘ZBEKTELEKOM”, “O‘zdonmahsulot” AK, “O‘zpromstroybank”ATB, “Ipoteka-bank” ATIB, “Asakabank”AJ, “O‘zbekiston temir yo‘llari”, “Hududgazta‘minot”, “UzAuto Motors”AJ, “O‘zmetkombinat” AJ, “Milliy bank”AJ, “Farg‘onaazot”AJ, “Eriell”, “Bosch” TM, “Easy Booking”.
Bundan avvalroq turkiyalik ssenarist va prodyuser Xuseyn Ozden Navoiy haqida hujjatli film olish asnosida turkiy tillar sultoniga ruhan bog‘langanini, Vivek Srivastava o‘zbek filmlari juda yoqishini aytgandi. Toshkent xalqaro kinofestivali doirasida Bollivud yulduzi Mitxun Chakraborti tashrif buyurgani, Oktay Kaynarja yangi O‘zbekiston haqidagi fikrlarini aytgani hamda Stiven Sigal Toshkentga tashrif buyurgani haqida xabar berilgan edi.
Munojat Valiyeva suhbatlashdi.
