Deputat vazirlik binosi yaqinida avtomatdan 20 ta o‘q uzdi
Abxaziya parlamenti deputati Almasxon Ardzinba 30 sentyabrdan 1 oktyabrga o‘tar kechasi respublika Ichki ishlar vazirligi binosi yonida noqonuniy ravishda ega bo‘lgan “Kalashnikov” avtomatidan o‘q uzdi, deya xabar berdi departament matbuot xizmati.
Aniqlik kiritilishicha, deputat Ardzinba Ichki ishlar vazirligi binosiga xizmat mashinasida kelgan. Noqonuniy ravishda olingan va saqlanayotgan o‘qotar quroldan osmonga qarata 20 marta o‘q uzgan. Vazirlik binosi oldida haqoratli so‘zlar bilan baqirib, shovqin ko‘targan.
Soqchilar binoga kirish darvozasi atrofidagi voqea joyini ko‘zdan kechirish chog‘ida 20 ta bo‘sh o‘q gilzasini topdi.
Shuningdek, payshanba kuni yana bir parlament deputati Garri Kokaya Abxaziya va Janubiy Osetiya prezidentlari Aslan Bjaniya va Anatoliy Bibilov 1992-1993 yillardagi Gruziya-Abxaziya urushi g‘alabasi va mustaqillik kunini nishonlayotgan restoran joylashgan Suxum sohilida to‘pponchadan o‘q otdi. Kokaya voqea joyiga yetib kelgan politsiyachilarga ham qarshilik ko‘rsatgan.
Eslatib o‘tamiz, bundan avval Perm davlat universitetida sobiq talaba 8 kishini o‘ldirgani, Germaniyada mijoz 20 yoshli yoqilg‘i quyish shaxobchasi kassirini niqob taqishini talab qilgani uchun otib o‘ldirgani hamda Kobulda havoga o‘q uzish oqibatida 4 kishi halok bo‘lgani haqida xabar berilgandi.
Cho‘lpnoy Ahmedova
