Jozef Bayden Fransiya bilan munosabatlarni yaxshilashga harakat qilmoqda — Jon Kerri

 

 

"Sizni ishontirib ayta olamanki, Amerika prezidenti ikki tomonlama munosabatlarni yaxshilash g‘oyasiga sodiq va shu yo‘nalishda harakat qilmoqda. U mayda muammolarni chetga surib kelajakka qarayapti. Aminmanki, davlatlarimiz o‘rtasidagi yaxshi munosabatlarni qayta tiklash mumkin",— degan Kerri BFMTV telekanaliga bergan intervyusida.

 

Shuningdek, uning qo‘shimcha qilishicha, Bayden mavjud vaziyat yuzasidan Kerri bilan maslahatlashgan. Siyosatchi Bayden fransuzlarning AQSH to‘g‘risida qanday taassurotga ega ekanini bilmaganini ham aytib o‘tgan.

 

Suv osti kemalarining ikki davlat munosabatlariga taʼsiri haqida ham gapirgan: "AQSHning Fransiya bilan munosabatlari ushbu vaziyatdan ko‘ra ancha yuqorida turadi. Dushanba kuni prezident Makron bilan muzokaralar o‘tkazib, o‘rtamizda hamon o‘zaro kelishuvlar borligini va birgalikda amalga oshiradigan juda ko‘p ishlarimiz borligini angladim", — degan. Shu bilan birga Baydenning Makron bilan uchrashishi eʼlon qilingan.

 

Avvalroq Yevropa Ittifoqi Avstraliya bilan erkin savdo to‘g‘risidagi muzokaralarni kechiktirgani hamda Fransiya Kanberra bilan erkin savdo shartnomasining imzolanishiga qarshi chiqqani xabar qilingandi.

 

Jahongir Qo'ziyev