Qirg‘iziston Prezidenti adminstratsiyasida poraxo‘r amaldor aniqlandi
Qirg‘iziston Prezidenti adminstratsiyasida korrupsion sxema yo‘lga qo‘ygan amaldor qo‘lga olindi. Bu haqda Milliy xavfsizlik davlat qo‘mitasiga tayanib “Sputnik Kirgisiztan” maʼlum qildi.
Gap prezident adminstatsiyasidagi afv komissiyasi haqida ketmoqda. Tergov maʼlumotlariga ko‘ra, komissiya kotibi ozodlikdan mahrum etilganlarning muddatidan oldin ozod qilinishi uchun pora talab qilgan.amaldor 170 ming som olayotgan paytda qo‘lga olindi.
“Afv etilishi va muddatdan oldin ozod qilinishi kerak bo‘lgan shaxslarning ro‘yxatini tuzishda yaxshi yo‘lga qo‘yilgan korrupsion sxema aniqlandi”, – deyiladi Milliy xavfsizlik davlat qo‘mitasi maʼlumotida.
Avvalroq Qirg‘iziston sobiq prezidentiga yangi ayblovlar qo‘yilgani hamda 2017-2020 yillarda Qirg‘iziston rahbari bo‘lgan Sooronbay Jeеnbekov ham tergovga chaqirilgani xabar qilingandi.
