Қирғизистоннинг яна бир собиқ президенти тергов қилинди
Қирғизистон собиқ президенти Сооронбай Жээнбеков “Қумтор” иши доирасида тергов қилинди.
Қирғизистон миллий хавфсизлик давлат қўмитаси маълумотларига кўра, Жеэнбеков ҳозирда гувоҳ сифатида иштирок этмоқда. Қўмита 2017 йилда кон бўйича тузилган шартнома юзасидан собиқ президентни сўроқ қилган. Жеэнбеков шартнома тузилган пайтда Қирғизистон Бош вазири бўлган.
Миллий хавфсизлик давлат қўмитаси Жеэнбековга нисбатан терговни давом эттиради. Иш якунида барча иштирокчилар ҳаракатларига уларнинг лавозими ва имтиёзидан қатъий назар ҳуқуқий баҳо берилади
«Қумтор» — Қирғизистоннинг энг йирик олтин кони бўлиб, у узоқ йиллар давомида Канаданинг «Cэнтерра» компанияси томонидан бошқарилган. Компания бошқаруви йилларида жуда катта фирибгарликлар амалга оширилгани маълум бўлган.
Бундан аввал 1991—2005 йилларда Қирғизистон президети бўлган Асқар Акаев «Қумтор» кони бўйича жиноий иш доирасида Москвадан олиб келинган эди. Акаев бир неча кундан кейин Москвага қайтиб кетди. У «Қумтор» бўйича тузилган шартнома «катта хато» бўлганини айтган.
