Қирғизистон собиқ президентига янги айбловлар қўйилди

 

 

Атамбаев 2020 йилнинг октябрида оммавий тартибсизликлар келтириб чиқариш ва ҳокимиятни куч билан эгаллашга ҳаракат қилишда айбланмоқда. Бу ҳақда унинг адвокати Сергей Слесарев маълум қилган.

 

Адвокатнинг қайд этишича, Атамбаев тартибсизликлар бошланган кунда қамоқда ётган ва унинг жисмонан  иштирок этиши мумкин бўлмаган.  Шунингдек, собиқ президент админстрацияси бошлиғи Фарид Ниёзов, собиқ тансоқчи Канат Сагымбаев, ИИВ собиқ ўринбосари Курсан Асанов ҳам ушбу ишга жалб қилинган.

 

2020 йил октябрь бошида Бишкек марказий майдонида турли сиёсий кучлар ўртасида тўқнашув бўлган. Унда Садир Жапаров ғалаба қозонган ва шундай йўл билан у Қирғизистоннинг амалдаги президентига айланган.

 

Алмазбек Атамбаев 2011-2017 йилларда Қирғизистонни бошқарган. 2019 йилда қўлга олинган. У коррупция билан боғлиқ жиноятларда айбланган эди.

 

Эслатиб ўтамиз, бундан аввал “Қумтор” кони бўйича иш доирасида яна бир собиқ президент – Асқар Акаев Москвадан олиб келинган. Шунингдек, 2017-2020 йилларда Қирғизистон раҳбари бўлган Сооронбай Женбеков ҳам терговга чақирилган.

 

 

Жаҳонгир Қўзиев