O‘zbekiston Prezidentining Afg‘oniston bo‘yicha maxsus vakili “Tolibon” hukumatini tan olish shartlarini sanadi
O‘zbekiston Prezidentining Afg‘oniston bo‘yicha maxsus vakili Ismatulla Ergashev "Sputnik Afghanistan"ga intervyu berdi.
Suhbatda u afg‘on xalqiga qish fasli oldidan ko‘mak berish "Moskva formati" ishtirokchilarini o‘ylantirayotgan asosiy masala ekanini aytgan.
Shuningdek, maxsus vakil “Tolibon” hukumatini tan olish shartlarini sanab o‘tgan.
Xususan u:
— Doha kelishuvi bo‘yicha o‘z vazifalarining bajarilishi;
— Afg‘on jamiyatining barcha siyosiy taraflari aks etgan hukumat tuzilishi;
— Inson va ayollarning fundamental huquqlari taʼminlanishi;
— Afg‘oniston hududidan uning qo‘shnilariga xavf tug‘dirish uchun foydalanishga yo‘l qo‘yilmaslik kabi shartlarni sanab o‘tdi.
Maʼlumot uchun, AQSHning Afg‘onistoni bo‘yicha maxsus vakili o‘zgarishi haqida Davlat kotibi Entoni Blinken xabar berdi.
Bundan aval “Tolibon” Moskva formatidagi uchrashuvda ishtirokchilardan iqtisodiy va siyosiy qo‘llab-quvvatlashni so‘ramoqchi ekani haqida xabar berilgandi.
Sharofat Mahmudova
