Korrupsiyaga qarshi kurashish bo‘yicha o‘quv-seminarda xorij tajribasi taqdim etiladi
Korrupsiya nafaqat davlat, balki uni bunyod etadigan jamiyat ildiziga ham bolta uradi. U bor yerda hech qanday rivojlanish bo‘lmaydi.
Qurilish vazirligida “Korrupsiyaga qarshi kurashish va manfaatlar to‘qnashuvi” mavzusida o‘quv-seminar boshlandi.
Unda KPMG (Italiya) ekspertlari Irina Burdikova va Pyotr Serdyuk o‘z tajribalari bilan o‘rtoqlashadi. Bundan ko‘zlangan maqsad, korrupsiya illatlari va uni bartaraf etish tajribalarini vazirlik tizimi, uning hududiy va tarkibiy bo‘linmalari xodimlari eʼtiboriga yetkazishdir.
Qonunni yurgizadigan bo‘g‘in hisoblanadigan hukumat organlari uchun, albatta, bunday chora-tadbirlarni amaliyotda qo‘llash lozim. Chunki ana shundan keyingina undan qutilish mumkin. Jamoat nazorati va xodimning majburiyatlari ham boshqaruvni to‘g‘ri shakllanishiga yordam beradi.
O‘quv-seminarga KPMG Rossiya va MDH xavf-xatar konsalting tashkilotlaridan ekspertlari taklif qilingan. O‘quv jarayoni 5 yo‘nalishda tashkil etilmoqda.
Ekspertlarning fikricha, korrupsiya faqat pul emas, hatto sovg‘a ko‘rinishida ham bo‘lishi mumkin. Oylikning kamligi, xodimlarning ish jarayonidan qoniqmasligi korrupsiyaga yo‘l ochadi. Buning uchun esa xodim, albatta, maoshidan qoniqishi lozim.
Bundan avval sog‘liqni saqlash tizimida 30 milliard so‘mdan ortiq mablag‘ talon-toroj qilingani maʼlum qilgani, MIB tomonidan 742 ming 476 ta ijro hujjatining muddati buzilgan holda ijro etilgani hamda Korrupsiyaga qarshi kurashish ishlarining reytingi joriy etilishi haqida xabar qilingandi.
Olamgir Abdiyev
