O‘lik dengizida minglab o‘ralar paydo bo‘ldi
Bunga ekologik omillar sabab bo‘lgan.
Ularning chuqurligi ayrim joylarda 10 metrdan ortiqni tashkil etmoqda. Bu haqda “24.kz” sayti xabar berdi.
Maʼlum qilinishicha, yer mahalliy aholi oyoqlari ostidan o‘pirilib ketishni boshlagan. Hozirda o‘ralarning soni mingdan oshib ketdi. Ularning chuqurligi ayrim joylarda 10 metrdan ortiqni tashkil etmoqda. Olimlarning fikricha, bu dengiz hajmi kamayib ketishi bilan bog‘liq. Har yili O‘lik dengizi bir metrdan ortga chekinmoqda. Bunga asosiy sabab – suvdan qishloq xo‘jaligi maqsadida foydalanish hamda undan chuchuk suvni ajratib olish.
Shuningdek, global iqlim isishi ham dengiz hajmi tobora kamayib ketishiga sabab bo‘lmoqda. Hozirda ekofaollar muammoga jahon hamjamiyati eʼtiborini jalb qilishga harakat qilmoqda.
Bundan avval Glazgodagi iqlim konferensiyasida muhim deklaratsiya qabul qilingani hamda Olimlar global iqlim isishi tufayli Yerda hayot chidab bo‘lmas darajaga yetishidan ogohlantirgani haqida xabar qilingandi.
Jahongir Qo'ziyev
