Олимлар глобал иқлим исиши туфайли Ерда ҳаёт чидаб бўлмас даражага етишидан огоҳлантирди

Олимлар глобал иссиқлик туфайли Ер сайёрасида ҳаёт чидаб бўлмас даражага етишини тахмин қилди. Бу ҳақда phys.org сайти хабар берди.

Экспертларнинг сўзларига кўра, АҚШдаги Ажал водийсидан тортиб Яқин Шарққача ҳамда Ҳиндистондан Саҳройи Кабиргача бўлган ҳудудда яшайдиган одамлар ҳозирнинг ўзидаёқ ўта ноқулай об-ҳавони ҳис қилмоқда. Агар бунга қарши чора кўрилмаса, сайёранинг бошқа қисмларида ҳам яшаш оғирлашади.

Иқлим бўйича эксперт Зик Хаусфазернинг таъкидлашича, иқлим ўзгариши туфайли фавқулодда ҳодисалар юз бериши ҳолатлари кўпайиб боради. Хусусан, Калифорниядаги Ажал водийсида шу йилнинг ёзида ҳарорат рекорд –  54.4 даражани ташкил этган. Бу Ер шарида замонавий воситалар ёрдамида қайд этилган энг йирик кўрсаткич. Шунингдек, АҚШ Океан ва атмосфера тадқиқотлари миллий бошқармаси 2021 йил ёзи об-ҳаво кузатувлари тарихидаги энг иссиқ мавсум бўлганини маълум қилган.

Олимларнинг қайд этишича, иқлим исиши интенсив қурғоқчиликка, ўрмон ёнғинлари, бўронлар ва тошқинларга олиб келади. Илиқ тўлқинлар кўпайиши қишлоқ хўжалигига ҳалокатли таъсир қилади ва одамлар учун ўлим хавфини оширади.

“Илиқ оқимларнинг қуруқликка яқинлаши туфайли минглаб қурбонлар берилиши мумкин”, – деган Пьер-Симон Лаплас институти директори Робер Вотар.

Олимлар ҳароратнинг икки даражага кўтарилиши бу каби ҳолатларнинг ҳар беш йилда такрорланишидан огоҳлантирган.

Бундан аввал Мьюнхенда иқлим ўзгаришига қарши намойиш ўтказилгани ҳамда Youtube ва Google иқлим ўзгаришини инкор қилган саҳифаларни блоклаши хабар қилинганди.

Жаҳонгир Қўзиев