O‘zbekistonda 9 oyda qancha avtobus ishlab chiqarilganligi maʼlum bo‘ldi
Avtobus ishlab chiqarish o‘tgan yilning mos davri bilan solishtirilganda 34,1 foizga oshgan.
Davlat statistika qo‘mitasi 9 oyda qancha avtobus ishlab chiqarilgani bo‘yicha maʼlumot taqdim etdi.
Maʼlum qilinishicha, O‘zbekistonda 2021-yilning yanvar-sentabr oylarida 696 dona avtobus ishlab chiqarilgan.
Qayd etilishicha, avtobus ishlab chiqarish o‘tgan yilning mos davri bilan solishtirilganda 34,1 foizga oshgan.
Ishlab chiqarilgan avtobuslar soni (yanvar-sentabr oylarida):
2019-yil – 1 339 ta
2020-yil – 519 ta
2021-yil – 696 ta.
Maʼlumot uchun: O‘zbekistonda ishlab chiqarilgan avtobuslarining birinchi partiyasi Qirg‘iziston poytaxtiga yetkazib berilgan.
Eslatib o‘tamiz, avtobus ishlab chiqarish sanoatida 2021 yilning yanvar oyida 6 dona avtobus ishlab chiqarilgan bo‘lib, bu ko‘rsatkich o‘tgan yilning mos davriga nisbatan 88,2 % ga kamaygan. Joriy yilning 7 oyida xorijga qiymati 8,3 million AQSH dollariga teng bo‘lgan yuk avtomobillarini eksport qilgan.
Avvalroq Toshkentdan “Tashmore”gacha alohida yo‘lakda harakatlanuvchi tezyurar avtobuslar va “Yangi O‘zbekiston bog‘i”ga avtobus qatnovi yo‘lga qo‘yilishi, O‘zbekistonda ishlab chiqarilgan avtobuslar Qirg‘izistonga yetkazilishi haqida xabar berilgandi.
