Бу ҳақда Zamon.uz мухбирига "SamAuto" МЧЖ маркетинг бўлими директори Мунисхон Исроилова маълум қилди.
- “Қирғизистон билан 350 та автобусга шартнома тузганмиз. Бир неча кун аввал келишувга кўра 150 та автобус манзилига етиб борди. Август охирига қадар яна 200 таси етказилади”.
Маълумот ўрнида, "SamAuto" ташкил этилганига 22 йил тўлган. Ишлаб чиқариш линияси йўлга қўйилганидан буён завод 42 мингдан ортиқ тижорат автомобилларини ишлаб чиқарган. Шундан 15,5 мингдан ортиғи шаҳар ва шаҳарлараро автобуслардир.
-“Айни пайтда корхонанинг хориж давлатларида 9 та диллери бор. Улар орқали Тожикистон, Қозоғистон, Афғонистон, Туркманистон, Туркия, Украина каби давлатларга автобуслар етказилмоқда. Яқин кунларда Озарбайжон билан ҳам шартнома имзоланган”, - дейди компания вакили.
Ҳозирда компания томонидан 5 мингдан ортиқ турли хил корпусли автобус ва юк машиналари ишлаб чиқарилмоқда. 2021 йилнинг 6 ойи давомида 297 та автобус экспорт қилинган.
Муножат Валиева