VGIKning Toshkent filiali direktori Eldor Yuldashevga xalqaro darajadagi akademik unvoni berildi
Endilikda VGIKning Toshkent filiali ham Istanbul akademiyasi bilan professioanal kadrlar yetishtirish bo‘yicha hamkorlik aloqalarini o‘rnatadi.
Butunrossiya davlat kinematografiya instituti (VGIK)ning Toshkent filiali direktori Eldor Yuldashevga Istanbul akademiyasining “Faxriy akademik” unvoni taqdim etildi.
Istanbul akademiyasi – 2010 yilda tashkil etilgan bo‘lib, Turkiya Respublikasidagi birinchi va yagona kinomaktab sanaladi.
Kinoakademiya hozirda “Qodir Xas” universiteti, Nyu-Yorkning Kolumbiya universiteti, Italiyaning Pegasu universiteti bilan hamkorlikda taʼlim jarayonlarini olib boradi. Uning bitiruvchilari Turkiyaning ko‘zga ko‘ringan kinomutaxassislari bo‘lib yetishgan.
Avvalroq, 22 nafar o‘zbekistonlik yoshlar VGIKda o‘qish uchun yuborilgani hamda Kinematografiya agentligida S.A. Gerasimov nomidagi Butunrossiya davlat kinematografiya instituti(VGIK)ning Toshkent filiali ochilishi bo‘lib o‘tgani haqida xabar berilgandi.
Munojat Valiyeva
