"Jurʼat” qisqa metrajli filmi suratga olinmoqda
Kinokartina Yangi O‘zbekistonda bo‘layotgan o‘zgarishlar, qishloq hayotidagi insonlarning hayoti va turmushi aks ettirilgan.
Kinematografiya agentligi axborot xizmati xabariga ko‘ra, agentlik buyurtmasiga binoan “Yoshlik” kinostudiyasi tomonidan “Debyut start-2021” kinofestivalida g‘olib bo‘lgan ssenariy loyihalari asosida “Jurʼat" qisqa metrajli filmi suratga olinmoqda.
Maʼlum qilinishicha, hozirda kinokartinaning suratga olish ishlari yakunlab qoldi. Tez orada yosh rejissyorlarning barcha filmlari premyera qilinadi.
Maʼlumot uchun: Ssenariy muallifi va postanovkachi rejissyor Murodjon Turdiyev, postanovkachi operator Samijon Sunnatillayev, rassom Hayitali Qambarov, kartina badiiy rahbar Matyoqub Matchonov. Aktyorlar Sardor Ismoilov, Baxtiyor Rahimov, Otabek Haqberdiyev, Xurshid To‘xtayev, Zufar Raimov va boshqalar.
Eslatib o‘tamiz, Ipak yo‘lida” filmi xalqaro kinofestivalda g‘olib bo‘lgandi.
Avvalroq Turkiyada “O‘zbek kinosi kuni” bo‘lib o‘tgani, “ikki yo‘l” qisqa metrajli filmi suratga olingani, “Mehr” operatsiyasiga bag‘ishlangan hamda “Bir kunlik to‘y” komediyasi premyerasi bo‘lib o‘tgani haqida xabar berilgandi.
