“Бир кунлик тўй” комедияси премьераси бўлиб ўтади
Президент Шавкат Мирзиёев ташаббуси билан Кинематография агентлиги томонидан “Ипак йўли дурдонаси” XIII Тошкент халқаро кинофестивали доирасида бугун соат 18:00 да Алишер Навоий номидаги киносаройда “Бир кунлик тўй” кинокомедиясининг премьераси бўлиб ўтади.
Кинокартина агентлик буюртмасига биноан “Spectre” студияси томонидан суратга олинган. Унда асосан қаҳрамонларнинг комик саргузаштларга бой ҳаётий воқеалари кўрсатилади.
Сценарий муаллифи ва постановкачи режиссëр Шоҳрух Расулов, постановкачи оператор Иззатилла Лутфуллаев, постановкачи рассом Акмал Саидов, ижрочи продюсер Давронхўжа Абдуғаниев, муҳаррир Фурқат Усмонов.
Бош ролларни ижро қиладиган актёр ва актирисалар: Бахтиёр Турғунов, Хайрулла Саъдиев, Матёқуб Матчонов, Мухаббат Абдуллаева, Анвар Назаров, Асал Абдуллаева, Ситора Фармонова, Шоҳрух Ҳамдамов, Мухаммаджон Бобожонов, Анвар Салимов ва бошқалар.
Эслатиб ўтамиз, кинофестиваль бош ҳомийси: AGMK, NGMK вa “O‘zbekneftgaz”. Ҳамкор ҳомийлар: “O‘ZBEKTELEKOM”, “O‘zdonmahsulot” AK, “O‘zpromstroybank”ATB, “Ipoteka-bank” ATIB, “Asakabank”AJ, “O‘zbekiston temir yo‘llari”, “Hududgazta’minot”, “UzAuto Motors”AJ, “O‘zmetkombinat” AJ, “Milliy bank”AJ, “Farg’onaazot”AJ, “Eriell”, “Bosch” TM, “Easy Booking”.
Бундан аввал “Меҳр” операциясига бағишланган фильм премьераси бўлиб ўтгани, Тошкент халқаро кинофестивалининг “Жаҳон киноси кунлари” дастурини эронлик режиссёр Иброҳим Мухторийнинг “Ҳаёт варақлари” фильми бошлаб бериши ҳақида хабар берилганди.
Чўлпоной Аҳмедова
