Plastik kartadan pul o‘g‘irlagan shaxs qo‘lga tushdi
Firibgar bank tomonidan rasmiylashtirilgan plastik kartasini boshqarish imkoniyatini qo‘lga kiritgan.
Marg‘ilonda X.D ismli ayol IIBga murojaat qilib plastik kartasidagi mablag‘ foydalanmasada o‘z o‘zidan kamayib borayotganini maʼlum qilgan.
Mazkur holat yuzasidan Marg‘ilon shahar IIO FMB huzuridagi tergov bo‘limi tomonidan Jinoyat kodeksining 169-moddasi 3-qismi «B» bandi (o‘g‘irlik) bilan jinoyat ishi qo‘zg‘atilgan.
Maʼlum bo‘lishicha nomaʼlum shaxs, ayol tegishli bank tomonidan rasmiylashtirilgan plastik kartasini boshqarish imkoniyatini qo‘lga kiritib, sezdirmasdan plastik kartasi hisobida bo‘lgan 600.000 so‘m pullarini yashirin ravishda o‘g‘irlagani aniqlangan.
Olib borilgan tezkor qidiruv harakatlari davomida ushbu jinoyatni Sh.Q sodir etganligi aniqlanib, hozirda tergov harakatlari olib borilmoqda.
Avvalroq, Farg‘onada plastik kartadan pul o‘g‘irlagan shaxs qo‘lga tushgani hamda Tadbirkorning 1 milliard so‘mini qo‘lga kiritgan firibgar ushlangani haqida xabar berilgandi.
Munojat Valiyeva
