Тадбиркорнинг 1 миллиард сўмини қўлга киритган фирибгар ушланди
Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилди.
Маълум бўлишича, Бош прокуратура ҳузуридаги Департаментнинг Яккасарой туман бўлими томонидан тадбиркорлик субъектларининг ҳуқуқларини ҳимоя қилиш юзасидан терговга қадар текширув ўтказилди.
Текширув давомида, фуқаро О.У. ўзганинг мулкини фирибгарлик йўли билан қўлга киритиш мақсад қилиб, “C-Д.” МЧЖ раҳбари А.нинг ишончига киради.
Унинг ҳисобида 2 миллиард сўм бўлган пластик картасини олиб, пул маблағини нақдлаштириб олади.
Шундан сўнг А.га 1 миллиард сўмини қайтариб, қолган маблағини алдов йўли билан қайтармасдан ўз эҳтиёжлари учун сарфлаб юборади.
Ҳозирда ҳолат бўйича тергов-суриштирув ҳаракатлари ўтказилмоқда.
Эслатиб ўтамиз, аввалроқ, Андижонда виртуал фирибгар қўлга олингани ҳамда Тошкентда банкоматни бузиб, ичидан 165 миллион сўм ўғирлаган шахс ушлангани ҳақида хабар берилганди.
Чўлпоной Аҳмедова
