Markaziy Osiyoning uchta davlati eng arzon elektr energiyasi bo‘yicha kuchli o‘ntalikka kirdi
Ular orasida O'zbekiston ham bor.
Bu haqda Britaniyaning Cable.co.uk ekspert portali xabar berdi.
Qayd etilishicha, resurs mutaxassislari 230 davlatning elektr energiyasi narxlarini tahlil qildi.
Aniqlanishicha, Markaziy Osiyo mintaqasida Qirg‘iziston jahon reytingida 4-o‘rinni egallab, yetakchilik qilmoqda. Qirg‘iziston aholisi bir kilovatt-soat elektr energiyasi uchun 0,017 dollar to‘laydi. Tojikistonda esa bir kilovatt-soat narxi 0,023 dollarni tashkil etgan holda 6-o‘rinda.
7-o‘rinni egallagan O‘zbekistonda aholi uchun elektr energiyasi 0,027 dollarni tashkil qiladi. Bu jahon reytingida 16-o‘rinni egallagan Qozog‘istondan (0,039 dollar) arzon.
Maʼlumot uchun: dunyodagi eng qimmat elektr energiyasi Karib dengizi, Tinch okeanining olis orol davlatlari, shuningdek, Gyermaniya va Somalida ekani ham aniqlandi.
Ushbu mamlakatlar aholisi bir kilovatt-soat uchun 0,30 dollardan 0,69 dollargacha to‘lash majburiy.
Eslatib o‘tamiz, avvalroq elektr energiyasi tanqisligiga nima sabab bo‘layotgani ochiqlangani hamda O‘zbekistonda 2025-yilgacha 18 ta elektr stansiya foydalanishga topshirilgani haqida xabar berilgandi.
Cho‘lponoy Ahmedova
