Vladimir Putin qaysi sport turlariga qiziqishini aytdi
Putin 4-fevral kuni Pekinda bo'ladigan qishki Olimpiada o‘yinlariga tashrifidan oldin Xitoy mediakorporatsiyasiga intervyu berdi.
Rossiya yetakchisi unda sevimli sport turlari haqida ham so‘zlab berdi. Masalan, u grafigiga halal qilmasa, kechki hokkey ligasi tadbirlarida bajonudil qatnashgan bo‘lishini aytdi.
"Imkon bo‘ldi deguncha tog‘ chang‘isida uchaman. Ammo mening sportdagi qiziqishlarim shu bilan tugamaydi. Biatlon, figurali uchish yoqadi, u yerda bizning sportchilarimiz juda kuchli. Trampilindan chang‘ida sakrashga ham qiziqaman", — degan Vladimir Putin.
Ammo u vaqt yetishmovchiligi tufayli musobaqalarni faqat televizor orqali ko‘rishini ham aytib o‘tdi.
Eslatib o‘tamiz, Pekin-2022 qishki Olimpiya o‘yinlari shu yilning 4-20 fevral kunlari bo‘lib o‘tadi.
Sharofat Mahmudova
