Toshkent metrosida 2 nafar xodim ishdan bo‘shatildi
Ular yo‘lovchiga qo‘pol munosabatda bo‘lgan.
Toshkent metrosida foliyat yurituvchi 2 nafar xodim mas’uliyatsizligi sabab ishdan bo‘shatildi. Bu haqda metropoliten matbuot xizmati xabar berdi.
Ma’lum qilinishicha, mas'ullar tomonidan o'tkazilgan tekshiruv natijasida “Qo‘yliq” metro bekatida blok-post navbatchisi va operator yo‘lovchiga xizmat ko‘rsatish madaniyatini qo‘pol tarzda buzganligi aniqlangan.
“O‘z vazifalariga mas'uliyatli bo‘lmagani va belgilangan yo‘riqnomaga muvofiq ish yuritmagani uchun ushbu ikki nafar xodim o‘z vazifasidan ozod etildi”, — deyiladi xabarda.
Eslatib o‘tamiz, bundan oldin Toshkent metrosining Mirzo Ulug‘bek bekatida noma’lum erkak o‘zini poyezd tagiga tashlab, vafot etgani xabar qilingandi.
